Gurú Rastani: Nihil sub sole novum

O Sr. Rastani é un crack e o que fixo é desenmascarar esta sociedade mediática que temos.

Agora uns botásenlle a culpa a outros e haberá sociólogos e psicopatologos que sairán a dar a súa versión e facerse tese, pero a realidade é que se riu de todo o mundo e demostrounos de como funciona o circo.

Ao velo en TV imaxinei que se trataba dunha das moitas "noticias"  que hai dirixidas a manipular o mercado.  En capitalbolsa.com teñen todos os días noticias deste tipo en tempo real e a maioría son desmentidas por gobernos e analistas, pero nos poucos minutos que hai entre a noticia e o desmentido, alguén se forra.


Desde que existe internet isto é unha tolemia porque se multiplicou  á enésima potencia os rumores e a velocidade nas transaccións. Hai gurús e especialistas que van desde dicir que a bolsa vai subir un 50% aos que din que vai baixar un 60%, con iso dígoo todo

Di a nosa ministra Salgado que Mr. Rastani é un " inmoral" e un " tolo". O Sr. Botin afirma que as súas declaracións son un " disparate" e un " escandalo"

E cal é o escándalo...? Cal a inmoralidade?  . O que di este tipo ( que coa crise alguén se esta forrando, que o mundo o dominan as grandes compañias  e as xestoras de fondos de investimento)  é a conversación típica que se pode escoitar cada día en rúas, corredoiras, no peixe, esperando o coche do pan  , bares, paradas do Castromil  e peluquerias  do noso Freixo.

Pois non sei se é un charlatán, un especulador ou un actor, pero como maltratado cidadán do montón dáme por crerlle.

E xa é triste que a palabra dun descoñecido ofrézame máis credibilidade que a de  Botín ou Salgado.

Pero é que nos  tomaron  tanto o pelo....