Rubalcaba e a invencion da historia

 

Rubalcaba propón cambiar de nome e sentido ao Val dos Caídos.

 

A historia non se reescribe ao antollo de ninguén, aínda que moitos o quixesen. A historia escríbese día a día.

 

Comparando con outros países non atopo unha histeria parecida á española.

 

 Franco, Hitler, Stalin Mussolini,  forman parte da historia europea. Todos correspondentes a unha epoca conflictiva na nosa Europa.

Pois vin monumentos separados e conxuntos en moitos lugares aos caídos naquelas barbaries e nótase no ambiente que perseguen memorizar uns feitos históricos tráxicos para que non se repitan, nada máis.

 

É dicir manter a historia na memoria do conxunto da sociedade indicando como non hai que facer as cousas xamais sen buscar culpables.

Aquí é claramente unha arma política e ademais con actualizacións diarias.

A chama olímpica acéndese en Olimpia pola acción do Sol levase país por país transportada por deportistas e xente corrente até onde se celebran os Xogos Olímpicos para acender o pebetero.

Unha idea preciosa e sublime.

Sabedes quen a tivo e quen a fixo en primeiro lugar?

 

ADOLF HITLER, para os seus xogos de Berlín e  desde entón é unha tradición. Quitámola tamén?

Gústenos ou non, a Cruz dos Caídos é parte da nosa historia, boa ou mala segundo quen a mire, pero por iso debe seguir aí.

Agora é de todos, dos que queden dun bando ou outro e sobre todo de nós, os netos e bisnetos daqueles que participaron. En ningún país removeuse tanto o pasado como neste.

 

O pasado hai que coñecelo pero non removelo.

 

É un gran erro negar a historia e tratar de borrala cambiando nomes e refacendo estatuas e monumentos.

 

O franquismo foi un período moi negro da historia de España pero precisamente por iso non debe ser esquecido. O mesmo que os campos de exterminio de Auschwitz ou Dachau NON SON MONUMENTOS AO NAZISMO, senón un recordatorio dos erros que non deben repetirse, así tampouco as prazas, estatuas, ou o Val dos Caídos son monumentos ao franquismo (aínda que no seu día fóseno).

 

Resumo: Memoria histórica é unha frase ben elixida pero moi mal aplicada.