A nosa Torre de Babel

Estamos no século XXI. As cámaras lexislativas españolas aínda seguen usando linotipistas para facer as actas dos diarios de sesións como hai 200 anos. Aínda non se decataron que se pode gravar a voz e o vídeo, sendo máis eficaz e barato.

Agora veñen coa estupidez de utilizar cinco linguas con tradución simultánea. Isto terano pensado un día na faraónica piscina que as súas Señorías se fixeron construír no Senado. O mundo enteiro estase a partir de risa ante tanta parvada e os mercados poñen cara de non , vendo en que nos gastamos o diñeiro que nos prestan.

Non me imaxino aos membros do Parlamento Británico usando "pinganillos" para a tradución simultánea do Galés ou o Escocés nin ver a Chanceler Merkel no Parlamento Alemán usar traductores para os seus outros idiomas (Schwäbisch, Schwizerdütsch, Oberbayerisch, Plattdeutsch).

Realmente estas pallasadas de afeccionados (respecto moito aos pallasos profesionais) non teñen desperdicio. Resulta que necesitan traductores no Senado e logo vanse todos a tomar o "cafecito" e a conversar en español.

Esta claro que a crise é para a poboación en xeral, non para as súas Señorías que nin revisan as súas pensións, nin limitan os seus privilexios. Vaia soberana parvada, como se nota que gastan diñeiro do resto dos españois, non dos seus petos. É unha vergoña 

Están tirando pedras contra o seu propio tellado e o seu descrédito crece máis que o custo das súas parvadas.


Somos a risa do mundo